Një 65-vjeçar është vrarë me armë zjarri mesditën e së hënës në fshatin Manati të Lezhës, ndërsa policia ka arritur të vërë në pranga një 17-vjeçar, i cili dyshohet si autor i ngjarjes.
Viktimë nga kjo ngjarje ka mbetur Lek Lekgjonaj, 65 vjeç.
Ndërsa autor i dyshuar i ngjarjes është 17-vjeçari Florian Pervathi. Sa i përket motiveve, bëhet fjalë për hakmarrje.
Në vitin 2009, vëllai i viktimës mësohet se ka vrarë babain e 17-vjeçarit.
Lezhë/Informacion paraprak
Policia e Lezhës neutralizon dhe vë në pranga në kohë rekord, një 17-vjeçar që kreu vrasjen e 65-vjeçarit, para pak minutash, në fshatin Manati të Lezhës.
Sekuestrohet dhe arma e krimit.
Shërbimet e DVP Lezhë dhe të Komisariatit të Policisë Lezhë, menjëherë pas marrjes së njoftimit se në fshatin Manati kishte të shtëna me armë zjarri, kanë shkuar menjëherë në vendin e ngjarjes.
Falë reagimit profesional e të menjëhershëm është bërë i mundur neutralizimi dhe kapja e 17-vjecarit F. P.
17-vjeçari, rreth orës 12:00, në rrethana ende të paqarta dyshohet se vrau me armë zjarri shtetasin L. L., 65 vjeç, banues në Manati, dyshohet për motive hakmarrjeje.
Shërbimet e Policisë kanë sekuestruar dhe armën zjarrit pistoletë me të cilën dyshohet se 17-vjeçari kreu krimin.
Grupi hetimor ndodhet në vendngjarje dhe vijon punën për sqarimin e rrethanave të ngjarjes.
