Një nga stërmbesat e Al Capone kujton se si njërit prej personazheve më të njohur të botës së mafias i pëlqente rrinte në kuzhinë dhe të gatuante makarona. Deirdre Capone tregoi për “Mirror” se ai e mësoi se si të bënte spageti perfekte dhe 80-vjeçarja shtoi se ajo është i vetmi person në botë që e ka njohur më mirë nga të gjithë famëkeqin Al Capone. Ajo ishte vetëm 7 vjeç kur Capone vdiq, në janar 1947, por e mban mend si një njeri shumë të butë e të ndjeshëm.
“Kishte një shenjë në fytyrë, që ia bëri me thikë një djalë. Al Capone i kishte bërë një kompliment motrës së atij djalit dhe ai e goditi me thikë. E urrente atë shenjë dhe mundohej ta fshihte gjithmonë. Është e vështirë që të gjesh një foto të tijën ku nuk mundohet që ta fshehë. Ai donte që të kishte gjithçka perfekte”, kujton Deirdre.
Deirdre Capone
Ajo shton se Al Capone mbante përherë një kapele të bardhë, pasi në filmat me kauboj, të mirët mbanin kapele të bardha: “Duke qenë se media përherë ishte kundër tij dhe përpiqej që t’ia vinte fajin për gjithçka, ai mbante kapele të bardhë që t’i tregonte njerëzve se ishte njeri i mirë. Ndihej i viktimizuar”.
Deirdre thotë se Al Capone “ishte gangster, jo përbindësh”.
Ajo beson se ai nuk ka vrarë kurrë njeri personalisht, por pranon se ka urdhëruar vrasje: “Nuk ka asnjë provë që ai të ketë vrarë vetë njerëz. A janë vrarë njerëz? Sigurisht që po. Ajo kohë e historisë amerikane ka qenë si Perëndimi i Egër. Nëse vidhje bagëtinë e dikujt ose i rrëmbeje gruan dikujt, e paguaje shtrenjtë. Në atë kohë, italianët ishin të fundit që merreshin në punë dhe të parët që pushoheshin nga puna”.
Ish-shtëpia e Al Capone në Miami Beach
