Ka nisur seanca për masat e sigurisë për 34 personat e arrestuar në lidhje me protestën e 8 Janarit në selinë e Partisë Demokratike. Prokuroria ka ngritur disa akuza për të arrestuarit: “Shkatërrim prone”, “Prishje e qetësisë publike”, “Shkelje e rregullave mbi lëndët plasëse, djegëse dhe radioaktive”, si dhe “Mbajtja pa leje e armëve dhe armëve të ftohta”.
Prokuroria e Tiranë i kërkon gjykatës që 29 prej personave të vënë në pranga të hetohen në masën e sigurisë “Detyrim Paraqitje” dhe për 5 të tjerë në “arrest shtëpie”.
Për shkak të numrit të madh të të arrestuarve pritet që seanca të zgjasë disa orë dhe për këtë arsye ata do të dalin para gjykatës në dy grupe. Për momentin, në kafazin e të pandehurve është paraqitur grupi i parë prej 23 personash.
Ndër ta është edhe reperi i njohur Arkimed Lushaj, ose siç njihet me emrin e artit Stresi. Futja e tij në sallën e gjyqit ka tërhequr vëmendjen e mediave, pasi reperi ka ngritur dy gishtat lart, ndërsa është shfaqur gjatë gjithë kohës i buzëqeshur.
Në sallën e gjyqit ndodhen edhe disa deputetë të cilët kanë shkuar atje për të ndjekur seancën. Bëhet fjalë për Oerd Bylykbashin, Albana Vokshin, Klevis Balliun e Çlirim Gjatën.
Më poshtë, lista e personave të arrestuar dhe se çfarë mase kërkon prokuroria për ta:
- Shaban Halili, detyrim paraqitje
- Gentjan Lamnica, detyrim paraqitje
- Agron Gjura, detyrim paraqitje
- Xhevahir Georgiev, arrest në shtëpi
- Alban Zaimi, detyrim paraqitje
- Arkimed Lushaj, detyrim paraqitje
- Hajredin Gjura, arrest në shtëpi
- Denis Luku, arrest në shtëpi
- Valdrin Dervishaj, detyrim paraqitje
- Arben Dervishaj, detyrim paraqitje
- Orges Dervishaj, detyrim paraqitje
- Qëndrim Dervishaj, detyrim paraqitje
- Arben Dervishaj, detyrim paraqitje
14 Selman Krasniqi, arrest në shtëpi
- Albano Stolaj detyrim paraqitje
- Ber Begeja, detyrim paraqitje
- Dyleman Marku, arrest në shtëpi
- Emiliano Çekini, detyrim paraqitje
- Gjon Pepaj, detyrim paraqitje
- Klavdo Çekini, detyrim paraqitje
- Armando Çardaku, detyrim paraqitje
- Agustin Pali, detyrim paraqitje
- Oltion Zenelaj, detyrim paraqitje
- Albi Peti, detyrim paraqitje
- Arian Mezini, detyrim paraqitje
- Stivi Luku, detyrim paraqitje
- Orian Meta, detyrim paraqitje
- Sokol Ndreu detyrim paraqitje
- Vendim Demaj, detyrim paraqitje
- Agim Deda, detyrim paraqitje
- Ardian Myrto, detyrim paraqitje
- Ylli Gosturani, detyrim paraqitje
- Armando Alldervishi, detyrim paraqitje
- Mirash Rrathtori, detyrim paraqitje
