Katër qytetarë humbën jetën nga COVID-19 gjatë 24 orëve, duke e çuar numrin e përgjithshëm të viktimave nga koronavirusit në vend në 193.
Numri i viktimave, krahas numrit të rasteve të raportuara të infektuara, ka patur një rritje të konsiderueshme duke filluar nga fillimi i qershorit, kur vendi u hap plotësisht.
Që nga fillii i pandemisë në mars, 193 perosna kanë humbur jetën si pasojë e Covid-19.
Nga 9 mars, kur u raportua në Shqipëri rasti i parë me koronavirus, deri në 1 qershor, kur vendi sapo filloi të dilte nga karantina, 33 persona humbën jetën nga virusi. Gjatë afro 11 javësh, vendi dëshmoi, mesatarisht, 3 viktima në javë.
Ndërkohë, në 11 javë nga 1 qershori deri në 8 gusht, numri i viktimave u rrit pothuajse pesë herë, me 160 persona, ose 15 viktima në javë.
Rritja e viktimave u shoqërua me një rritje të të shtruarve në spital, dhe raste të raportuara ditore.
Që nga 8 gushti, në të dy spitalet Covid-19, janë 116 persona të shtruar në spital. 18 prej tyre janë në terapi intensive dhe 4 janë të intubuar.
