E shkatërruar nga ngadalësia e vaksinimeve kundër COVID-19 dhe nga politikat më pak ambicioze stimuluese sesa në anën tjetër të Atlantikut, ekonomia europiane po mbetet pas asaj të SHBA-së dhe ekspertët kanë frikë se vonesa nuk do të kompensohet.

Fondi Monetar Ndërkombëtar i rishikoi dukshëm lart parashikimet e tij të rritjes për SHBA nga paketa stimuluese e administratës Biden prej 1,9 trilionë dollarë dhe po korr përfitimet e një fushate të suksesshme vaksinimi.

Aktiviteti në SHBA i rezistoi pandemisë më mirë se në Europë, falë kufizimeve më pak të ashpra.

“Pas rënies pre 3,5% vitin e kaluar, PBB-ja e SHBA-së pritet të kërcejë 6,4% në 2021”, parashikon FMN.

Kontrasti është i zymtë me zonën e euros, ku PBB ra me 6,6% në vitin 2020 dhe pritet të arrijë kulmin me 4,4% rritje këtë vit.

Ndërsa ekonomia kineze iu kthye nivelit të saj para pandemisë në 2020, SHBA pritet ta arrijë atë këtë vit, kurse Europa do të duhet të presë të paktën deri në verën e vitit 2022.

Franca, ekonomia e dytë më e madhe në zonën e euros, uli parashikimin e saj të rritjes për 2021 këtë fundjavë në 5%. Deri më tani ishte llogaritur në 6%, pasi ra 8,2% vitin e kaluar.