Prokuroria e Toulon ka hapur një hetim mbi një poster që bashkon imazhet e presidentit francez Emmanuel Macron dhe udhëheqësit nazist Adolf Hitler, mes kritikave ndaj kufizimeve të vazhdueshme të Covid-19.
Një tabela e parë në periferi të Toulon dhe La Seyne-sur-Mer, ku shfaqet një pamje e presidentit francez Emmanuel Macron i veshur me një uniformë naziste dhe mustaqe si të Adolf Hitlerit, ka tërhequr vëmendjen e prokurorit të qytetit, sipas mediave vendase.
Një raport në ‘France Bleu’ të martën në mëngjes deklaroi se zyra e prokurorit të Toulon tani kishte hapur një hetim mbi posterin e shfaqur.
Posteri përmban gjithashtu shkronjat LREM – një shkurtim për partinë ‘La Republique En Marche’ të Macron – futur në një rreth të bardhë, duke zëvendësuar svastikën, në sfondin famëkeq të kuq të miratuar nga partia naziste gjermane.
Sipas një sondazhi nga agjencia e opinionit publik IFOP për gazetën Le Journal du Dimanche (JDD), miratimi i Macron u ul me 13 pikë midis personave të moshës 18-24, megjithëse mbështetja u rrit midis pensionistëve.
Të shtunën, rreth 114,000 njerëz u mblodhën në të gjithë Francën për të protestuar ndaj asaj që ata besojnë se është një ndërhyrje e padrejtë në jetën e tyre private. Protestuesit brohorisnin “Liri!” dhe kërkuan që Macron të jepte dorëheqjen.
