Komiteti i sigurisë së Agjencisë Europiane të Barnave deklaroi në mbledhjen e tij urgjente për vaksinën e AstraZeneca se ajo është e sigurt, e efektshme dhe përfitimet janë më të mëdha se rreziqet.
“Përjashtojmë rastet e trombozës me vaksinën. Vaksinimi nuk shoqërohet me një rritje të rrezikut të përgjithshëm mpiksjes së gjakut“, siguroi EMA.
Mbledhja e këtij komiteti të Agjencisë Europiane të Barnave u bë pasi shumë vende në botë pezulluan vaksinimin me vaksinën e kompanisë AstraZeneca për shkaqe sigurie pas shfaqjes së disa rasteve me trombozë tek të vaksinuarit.
Më herët, edhe Organizata Botërore e Shëndetësisë kërkoi që procesi i vaksinimit me AstraZeneca të vijojë.
