Kreu i opozitës, Lulzim Basha, ngriti edhe një herë tjetër akuza të forta ndaj qeverisë për mashtrim me numrin e vdekjeve nga koronavirusi.
Basha u shpreh se një vit më parë kanë humbur jetën 16 mijë persona më shumë se mesatarja e viteve të kaluara.
“Është diskutuar në komisioni këto ditë për vaksinimin dhe diferencën mes shifrave të raportuara nga qeveria dhe ato të raportuara nga institucionet ndërkombëtare. Ajo që thuhet nuk bëhet. Kjo nuk është hera e parë që ndodh dhe as hera e parë që gënjejnë me pandeminë. Kanë gënjyer për ndihmën ekonomike, për rimbursimin e të prekurve nga Covid-19, por mbi të gjitha kanë gënjyer për numrin e jetëve të humbura. Deri para 6 muajsh ishin 16 mijë prindër, nëna, baballarë, që dergjen në vendprehjet e qyteteve, fshatrave. 16 mijë më shumë se mesatarja e viteve të kaluara dhe jo shifra të raportuara nga qeveria e rrenave. Këtë e konfirmon edhe raporti i Komisionit Europian, ku njoftohet se Shqipëria ka shtesën më të lartë të vdekjeve në Europë për vitin 2020. Të dielën që shkoi deklaroi se do t’ia dalim siç ja dolëm, ajo shprehje tingëlloi si një shuplakë për fytyrën e qytetarëve”, u shpreh Lulzim Basha.
Sipas shifrave të raportuara nga Ministria e Shëndetësisë, deri tani, nga koronavirusi në shqipëri kanë humbur jetën 2,734 persona.
