BE dhe Britania vendosin sanksione të reja ndaj Teheranit për shkelje të të drejtave të njeriut

Bashkimi Evropian dhe Britania kanë vendosur sanksione të reja ndaj Iranit për shkelje të të drejtave të njeriut dhe regjimit shtypës.

Këshilli Evropian po vendos sanksione ndaj Ariantel, një ofrues iranian i telefonisë celulare, i cili kontribuoi në arkitekturën e mbikëqyrjes së telekomunikacionit që qeveria iraniane vendosi për të shtypur disidentët dhe zërat kritikë në Iran.

Lista e re përfshin gjithashtu anëtarë të parlamentit iranian, anëtarë të Korpusit të Gardës Revolucionare iraniane (IRGC) dhe Fondacionit Bashkëpunues të IRGC, organi përgjegjës për menaxhimin e investimeve të IRGC.

Britania, në koordinim me Shtetet e Bashkuara dhe BE-në, njoftoi vendosjen e sanksioneve shtesë kundër zyrtarëve iranianë, përfshirë anëtarët e IRGC-së, të cilët tha se janë përgjegjës për shkeljet e të drejtave të njeriut.

“Mbretëria e Bashkuar dhe partnerët tanë ndërkombëtarë po e bëjnë të qartë sërish sot se ne nuk do të mbyllim sytë ndaj shtypjes së pashpirt të regjimit. Ne do të vazhdojmë të ndërmarrim një sërë veprimesh për të kërkuar llogari nga regjimi për veprimet e tij.”