I mbijetuan xhunglës së egër për 40 ditë, si është gjendja e 4 fëmijëve në Kolumbi

Katër fëmijët, të cilët u gjetën në xhunglën e Kolumbisë 40 ditë pas rrëzimit të avionit të vogël me të cilin po udhëtonin, janë duke u rikuperuar në spital. Kështu njoftuan dje autoritetet. Leslie (13), Soleini (9), Tien Noriel (5) dhe Christine (1) u gjetën nga ushtarët dhe indigjenë të premten pasdite në Kolumbinë jugore. Që nga mëngjesi i së shtunës, ata ndodhen në spitalin ushtarak në Bogota, ku arritën një “gjendje klinike të pranueshme”.

“Janë në humor shumë të mirë, kanë ngjyrosur dhe lyer. Ata pëlqejnë të flasin”, thotë Adriana Velazquez, zëvendësdrejtore e Institutit Kolumbian për Mbrojtjen e Familjes (ICBF) në një video dërguar mediave.
Ndërkohë, Presidenti i vendit Gustavo Petros vizitoi fëmijët në spital: Ushtria shpërndau një vizatim që i atribuohet fëmijëve të Wilson, një qeni shpëtimi që u zhduk gjatë kërkimit. “Qeni ishte me ta, duke u larguar dhe duke u kthyer (…) më pas u zhduk”, thotë Narciso Mukutui, gjyshi i fëmijëve, në një video të publikuar nga Ministria e Mbrojtjes.

Katër fëmijët u gjetën vetëm në xhungël pasi avioni i vogël Cessna 206 me të cilin po udhëtonin u rrëzua më 1 maj, duke vrarë nënën e tyre, pilotin dhe një të afërm. Ata ushqeheshin me miell kasava që gjendej në aeroplan, si dhe me fruta të gjetura në xhungël. Tien Noriel, djali i vetëm në grup, ishte aq i dobët kur u zbulua sa nuk mund të ecte, sipas banorëve indigjenë që patën kontaktin e parë me fëmijët të premten. “Fëmija është ende duke u trajtuar, jo sepse është në gjendje të rëndë, por sepse po e shikojmë më nga afër për shkak të moshës së tij”, shtoi Cáceres.

“Ata kanë mundur të flenë sërish, gjë që i ka ndihmuar shumë”, ka theksuar ai. “Gjërat po përparojnë siç ishte parashikuar (…) atij do t’i duhen dy deri në tre javë shtrimi në spital,” tha ai. ICBF do të mbajë kujdestarinë e fëmijëve derisa të zgjidhet një mosmarrëveshje familjare. Familjarët e nënës së ndjerë pretendojnë se babai i dy fëmijëve më të vegjël i keqtrajton, gjë që i interesuari e mohon. Gjyshja e tyre nga nëna i tha AFP se ajo po kërkon kujdestarinë e katër fëmijëve.