Autoritetet në Kinë kanë raportuar rastin e parë lokal të infektimit me koronavirus që prej 14 shkurtit.
Personi i infektuar është një punonjës në sektorin e shëndetësisë në qytetin Xi’an, në veri të provincës Shaanxi.
Edhe pse ky është rasti i parë lokal i transmetimit të virusit prej më shumë se një muaji, shpesh herë janë pikasur persona që udhëtonin nga jashtë të infektuar me koronavirus.
I infektuari punon në spital dhe është përgjegjës për marrjen e mostrave për testimet për koronavirus për personat në karantinë.
Kina prej marsit ka vendosur masa shumë të ashpra për hyrjen e të huajve në vend. Ajo pothuajse ja ka dalë të menaxhojë situatën me pandeminë duke vendosur një “lockdown” shumë të ashpër vitin e kaluar.
