Kuvendi ka vendosur të shqyrtojë propozimet e dakordësuar në Komisionin e Ligjeve për reflektimin e ndryshimeve kushtetuese më 5 tetor, në orën 10:00.
“Për t’u lenë kohë të mjaftueshme grupeve parlamentare për dialog lidhur me ndryshimet në Kodin Zgjedhor si dhe komisionit përgjegjës, seanca plenare e Kuvendit, e programuar për ditën e enjte, datë 1 tetor, ora 10:00, do të zhvillohet ditën e hënë, datë 5 tetor, ora 10:00″, thuhet në njoftimin për media të Kuvendit, të publikuar më 29 shtator.
Vendimi u morr pas kërkesës së kryetarëve të grupeve parlamentare opozitare për më shumë kohë për dialog.
Për miratimin e ndryshimeve në Kodin Zgjedhor nevojiten 84 vota pro.
