Ditën e sotme, është miratuar një tjetër ndryshim në qeverinë Rama.
Besart Kadia është bërë pjesë e qeverisë së PS duke u emëruar si zëvendës ministër i Ekonomisë dhe Financave.
Kadia është i PD, anëtar i Këshillit Kombëtar dhe pjesë e Koordinatorëve Kombëtarë të selisë blu.
Kadia është mes emrave që mbeti jashtë listave të kandidatëve për deputetë në PD.
Ai është sekretar për sipërmarrjen e lirë në PD.
“Basha ka ekip të tij qeverisës që është shumë herë më i madh e politik sesa lista me përfaqësues për parlament e programi i PD-së për ekonominë është pa dyshim një program që përmirëson ekonominë e vendit dhe jetën e çdo qytetari. Emrat në listë? Lexoni programin Basha”, shkruante disa ditë më parë Kadia.