Mesditën e sotme është shënuar një aksident në lagjen 14, në Shkozet të Durrësit.
Gazetarja Klodiana Haxhiaj raporton për BalkanWeb se një mjet ka përplasur një këmbësore, e cila është në gjendje të rëndë.
Policia bën me dije se ka ndaluar shoferin, i cili dyshohet se ka qenë duke ecur me shpejtësi. E plagosura po transportohet për në spitalin rajonal.
Sipas informacioneve paraprake, dyshohet se gruaja i ka dalë para mjetit.
Sakaq, policia është duke punuar për zbardhjen e plotë të ngjarjes.
Njoftimi i policisë:
Durrës/Informacion paraprak
Rreth orës 13:10, në lagjen nr. 14 Durrës, një automjet me drejtuese shtetasen K. K, 22 vjeçe, ka përplasur shtetasen këmbësore B. M., rreth 80 vjeçe, e cila ndodhet nën kujdesin e mjekëve.
Drejtuesia e automjetit shtetasia K. K, është shoqëruar në ambientet e Komisariatit të Policisë Durrës për veprime të mëtejshme.
