Princi Mohammed bin Salman ka zbuluar planet për të ndërtuar një qytet të ri pa karbon që do të ndërtohet në NEOM në Arabinë Saudite veriperëndimore. Në një projekt të quajtur “Line”, 1 milion njerëz do të kenë një shtëpi, Qyteti nuk do të ketë makina dhe rrugë, tha Princi i Kurorës Mohammed bin Salman në një video të lëshuar të dielën.
Qyteti do të përshkojë më shumë se 170 km dhe do të jetë në gjendje të strehojë një milion banorë si pjesë e “zhvillimit urban pa karbon që do të furnizojë 100% energji të pastër”.
“Ne kemi nevojë për të transformuar konceptin e qytetit konvencional në konceptin e futuristikës,” tha Princi Mohammed.
“Deri në vitin 2050, një miliard njerëz do të duhet të zhvendosen për shkak të rritjes së emetimeve të CO2 dhe niveleve të detit. 90 për qind e njerëzve marrin frymë me ajër të ndotur”, tha trashëgimtari i fronit.
Fondi Mbretëror Sovran i Pasurisë, Fondi i Investimeve Publike (PIF), është investitori kryesor në NEOM, një projekt i teknologjisë së lartë në Detin e Kuq. Projekti përfshin një total prej 26,500 kilometra katrorë, ka disa zona, duke përfshirë një zonë industriale dhe zona logjistike, ku përfundimi i punimeve është planifikuar për vitin 2025.
