Ish-presidenti i SHBA-ve Donald Trump ka folur lidhur me takimin e mbajtur në Gjenevë mes pasardhësit të tij Joe Bidenit dhe presidentit rus Vladimir Putinit.
Në një intervistë me “Fox News”, Trump tha se është i mërzitur që Biden nuk shënoi asnjë fitore gjatë samitit, pasi sipas tij Putini dhe Rusia e dominuan ditën.
Ish-presidenti theksoi faktin që Bideni i qëndroi vendimit të tij për të miratuar përfundimin e tubacionit NordStream II dhe të anulonte një projekt të gazsjellësit kanadezo-amerikan.
Ai tha se Rusia do të marrë një fitim të padrejtë nga shitja e naftës në Gjermani ndërsa kancelarja Angela Merkel vazhdon të paguajë detyrimet e saj ndaj Organizatës së Traktatit të Atlantikut të Veriut (NATO), e cila si ekuilibër në vend të kësaj do të vazhdojë të subvencionohet nga Shtetet e Bashkuara.
“Ne i dhamë një skenë shumë të madhe Rusisë dhe nuk morëm asgjë. Ne braktisëm diçka që ishte tepër e vlefshme. Unë ndalova tubacionin, NordStream II, dhe aii u dha përsëri Gjermanisë dhe Rusisë dhe asgjë nuk u mor për këtë.”-tha Trump. “Unë mendoj se ishte një ditë e mirë për Rusinë. Unë nuk mendoj se ne fituam ndonjë gjë nga kjo.”
