Gjendet i vdekur një 67-vjeçar në Tiranë, një tjetër bie nga kati i katërt i pallatit

Një 67-vjeçar në Tiranë është gjendur i vdekur në rrugë, në datë 25.04.2023, rreth orës 05:55, në fund të Bulevardit të Ri.

Nga vrojtimet paraprake nuk janë konstatuar shenja dhune. Dyshohet se vdekja ka ardhur nga shkaqe natyrale.

Gjithashtu, blutë e kryeqytetit kanë njoftuar se rreth orës 07:15, në rrugën “Margarita Tutulani”, ka rënë nga kati i katërt i pallatit, një 56-vjeçar, i cili aktualisht ndodhet në spital, në kujdesin e mjekëve.

Njoftimi Policisë:

Më datë 25.04.2023, rreth orës 05:55, në fund të Bulevardit të Ri, është gjetur në rrugë (afër një biçiklete), pa shenja jete, shtetasi Dh. S., 67 vjeç.

Nga këqyrja paraprake nuk janë konstatuar shenja dhune. Dyshohet se vdekja ka ardhur nga shkaqe natyrale.

Më datë 25.04.2023, rreth orës 07:15, në rrugën “Margarita Tutulani”, ka rënë nga kati i katërt i pallatit, shtetasi A. B., 56 vjeç, i cili aktualisht ndodhet në spital, në kujdesin e mjekëve.

Grupi hetimor po punon për sqarimin e rrethanave të ngjarjes.