Real Madrid njoftoi se Iker Casillas rikthehet te klubi, duke u bashkuar me “Fondacionin Real Madrid” si zëvendës i menaxherit të përgjithshëm. Lajmi i kthimit të tij, të cilin MARCA e paralajmëroi që më 17 korrik 2020. “Iker është një legjendë e Real Madridit, ai përfaqëson vlerat e klubit dhe është portieri më i mirë në historinë tonë”, – thonë “Los Blancos” në një deklaratë.
Iker Casillas fitoi 19 tituj gjatë 25 viteve që mbrojti fanellën e ekipit kryeqytetas: 3 Champions, 3 Botërorë për Klube, 2 Superkupa të Europës, 5 La Liga, 2 Kupa Mbreti dhe 4 Superkupa Spanjolle. Në Portugali, me Porton, ai fitoi 2 tituj kampioni, 1 Kupë dhe 1 Superkupë. Me kombëtaren spanjoll ka luajtur 167 ndeshje dhe ka fituar 1 Kupë Bote, 2 Kampionate Europiane dhe 1 Kupë Bote U-20.
Karriera e tij sportive dhe jeta larg futbollit ka bërë që 39-vjeçari të fitojë çmime prestigjioze, të tilla si Princi i Asturias Sport Award, Kryqi i Madh i Urdhrit Mbretëror të Meritës Sportive, Medalja e Artë e Urdhrit Mbretëror të Sporting Merita dhe Medalja e Artë e Komunitetit të Madridit.
