Një i ri shqiptar ka humbur jetën, teksa ngjitej për alpinizëm në malin Marmagna në Itali. Mediat italiane raportojnë se 19-vjeçari Marinel Senka jetonte në Pontremoli. Ngjarja e rëndë ndodhi rreth orës 02:00, ndërsa lajmi i hidhur tronditi gjithë komunitetin e asaj zone.
I riu ishte bashkë me dy shokë të tjerë, të cilët ishin nisur nga Bosco di Corniglio, në zonën e Parmës, ndërsa ata fatmirësisht nuk u lënduan. Mësohet se viktima ra në një grykë, një distancë e shkurtër nga pika ku po këtë muaj humbi jetën edhe një 60-vjeçar.
Ndërkohë që era e fortë bëri të pamundur ndërhyrjen me helikopter, ndërsa trupi i tij u nxor dje në mbrëmje.
