Ish-Presidenti Donald J. Trump e ka kaluar Covid-19 në tetor me simptoma më të rënda, sesa është raportuar.
Sipas mediave të huaja, katër persona të afër me të kanë zbuluar se ai ka pasur probleme në mushkëritë me nivelin e oksigjenit në gjak dhe pneumoni.
“Gjendja e tij u bë aq shqetësuese para se të merrej në Qendrën Kombëtare Mjekësore Ushtarake Walter Reed, saqë zyrtarët menduan se ai duhej të vihej në një ventilator”, kanë thënë dy prej tyre.
Trump ka pasur probleme me frymëmarrjen dhe ethe më 2 tetor ati iu dha oksigjen dy herë, ditën kur u dërgua në spital dhe llojet e trajtimit që ai mori treguan se gjendja e tij ishte e rëndë.
Në kohën që Trump ishte i shtruar në spital në Walter Reed, ekipi i tij mjekësor u përpoq të minimizonte peshën e situatës. Në moshën 74 vjeç dhe mbipeshë, ai ishte në rrezik për sëmundje serioze dhe iu nënshtrua një trajtim intesiv.
Ai u largua nga spitali pas tre ditësh dhe organizoi një udhëtim të shkurtër me automjetin e tij të blinduar të shërbimeve sportive për të përshëndetur turmën e mbështetësve jashtë ndërtesës.
Ndërsa, ishte ende në Shtëpinë e Bardhë, Trump iu dha një ilaç i zhvilluar nga kompania bioteknologjike Regeneron Pharmaceuticals. Pas shtrimit në spital Trump, filloi një regjim, i cili zakonisht rekomandohet vetëm për pacientët që janë në gjendje kritike.
Mbeten pyetje pa përgjigje nëse Trump e kishte Covid-19 kur ai mori pjesë në një debat presidencial në 29 Shtator, vetëm dy ditë para njoftimit publik se ai ishte infektuar me sëmundjen dhe tre ditë para përkeqësimit të gjendja që e detyroi atë të shtronte në Walter Reed.
