Eurostat thotë se inflacioni në vendin tonë rezulton pranë 5.6%, dmth, më i lartë se me metodën e Instat për muajin maj të këtij viti, që, për të njëjtën periudhë kohore, rezultonte pranë 4.7%. Indeksi i Harmonizuar i Çmimeve të Konsumit për muajin maj rezulton kështu në rritje të ndjeshme krahasuar me muajin Prill, kur fiksohej pranë vetëm 5%. Inflacioni sipas Eurostat rezulton kështu të jetë thelluar edhe më shumë se ajo që tregonin shifrat e Instat, ndërkohë që të dy indekset janë në të njëjtën linjë sa i përket faktit se inflacioni ka rinisur trajektoren rritëse gjatë majit, pas muajsh me radhë në rënie. Ndikimin kryesor në rritjen e çmimeve me 5.6% në maj e ka dhënë grupi “Ushqime dhe pije joalkoolike”, me 3.6 pikë përqindje, si dhe grupi “Hotele, kafene, restorante” dhe “Argëtim dhe kulturë” me rreth 0.6 pikë përqindje secila. Rritja më e madhe e çmimeve, prej 10.6% vërehet në grupin “Ushqime dhe pije joalkoolike”, ndjekur nga “Argëtim dhe kulturë” me 8.0%, “Mobilim, pajisje shtëpie dhe mirëmbajtje” me 6.2%, “Mallra dhe shërbime të ndryshme” me 4.4%, “Hotele, kafene dhe restorante” me 4.2%, “Veshje dhe këpucë” me 4.1%, “Pije alkoolike dhe duhan” me 3.9%, “Shëndeti” me 2.6%, “Shërbimi arsimor” me 2.5%, “Qira, ujë, lëndë djegëse dhe energji” me 1.4%, si dhe “Komunikimi” me 1.1%. Nga krahu tjetër, në rënie rezultojnë çmimet e grupit “Transporti” me -4.7 %. Në terma mujorë ndërkohë, Indeksi i Harmonizuar i Çmimeve të Konsumit sinjalizon se çmimet gjatë majit kanë rënë me 0.2% krahasuar me muajin prill. Sa i përket krahasimit me vendet e tjera të Europës, Shqipëria rezulton të ketë një normë inflacioni gjatë Majit më të ulët se mesatarja e unionit, që fiksohet pranë 7.1%. Por, pavarësisht kësaj, rritje e çmimeve në vendin tonë rezulton të jetë më e lartë se në vende si Greqia, Danimarka, Luksemburgu, Belgjika apo Zvicra, sa për të përmendur disa prej tyre. Kujtojmë se Indeksi i Çmimeve të konsumit, që është metoda e Instat dhe Indeksi i Harmonizuar i Çmimeve të Konsumit, që është metoda e Eurostat ndryshojnë nga njëra tjera kryesisht nga pesha që zë secili grup në matjen e ecurisë së çmimeve, dhe këto dy ndryshime mes dy metologjive nuk janë të vogla. Grupi i “Qira, ujë. Lëndë djegëse dhe energji” zë thuajse 20% të “Indeksit të Çmimeve të Konsumit”, ndërsa sipas metodologjisë së Eurostat së vetëm 5.7%. Nga ana tjetër, grupi “Argëtim dhe kulturë”, si dhe “Hotele, kafene dhe restorante” ka ndjeshëm më shumë zë në metodën e Eurostat krahasuar me atë të INSTAT. Pikërisht ky ndryshim duket se ka sjellë ndryshimin e normës së inflacionit me thuajse 1 pikë përqindje, mes matjes sipas metodës së Instat dhe asaj të Eurostat.
Related Posts
Aktualitet
DASH nxjerr raportin për Shqipërinë: Korrupsion, probleme në pavarësinë e gjyqësorit dhe medias
Mangësitë me pavarësinë dhe integritetin e gjyqësorit; mungesa e mediave të pavarura; dhe korrupsioni …Frika prej KLSH-së e SPAK-ut, alarmon Edi Ramën
Frika nga auditemet e KLSH-së, hetimet e Prokurorisë së Posaçme (SPAK) duket se ka …Euro kap fundin
Shënohet rekordi minimal për vitin 2024 Euro ka shënuar sot treguesit më të ulët në …Gazi që mund të ndryshojë botën, gjendet në Shqipëri
Zbulimi i gazit të hidrogjenit duket me një rëndësi thelbësore për vitet që do të …Trump triunfon
Gjykata Supreme lejon Trump-in të garojë në zgjedhjet presidenciale! Gjykata e Lartë, mbajti anën e …Plas tek Rithemelimi, deputetët sulmojnë njëri tjetrin si “spiunë”
Doli në Bukuresht numri 20 i revistës “Albanica”
🎊 Moment i rëndësishëm për Shoqatën Lidhja e Shqiptarëve të Rumanisë (ALR): doli numri 20 …Përkujtohet 103-vjetori i lindjes së Kristo Frashërit
(Në Muzeun Historik Kombëtar në Tiranë përkujtohet 103-vjetori i lindjes së historianit Kristo Frashëri) Historiani, …Kualifikimi në “Euro 2024”/ Gjermania uron Shqipërinë
Përmes një statusi në Facebook, Ambasada Gjermane në Shqipëri ka uruar Kombëtaren shqiptare të futbollit …