Një sportist austriak ka vendosur një rekord të ri botëror, pasi ka qëndruar për 2 orë, 30 minuta dhe 57 sekonda në një kuti të mbushur me akull.
I veshur vetëm me rroba noti, 42-vjecari Josef Koeberl u mbulua me akull, që arrinte deri në nivelin e shpatullave të tij në një kuti transparente.
“Nuk mendova se do t’ia dilja. Ishte kohë e gjatë, por kaloi shumë shpejt. E pabesueshme,” u shpreh Koeberl për gazetarët, pas daljes nga kafazi i akullt në qytetin e Melkut në Danub, aty ku ishte mbledhur një turmë e vogël njerëzish.
“M’u desh të përqendrohesha. Pas dy orësh e gjysmë, presioni ra pak, por sërish ishte ftohtë,” shtoi sportisti.
42-vjecari ka thyer kështu rekordin e mëparshëm për kontakt të plotë me akullin për 2 orë, 8 minuta dhe 47 sekonda, të vendosur nga vetë ai.
