Presidenti i zgjedhur Joe Biden u shpreh se nuk do e ndjejë mungesën e Donald Trump në ceremoninë e përurimit pasi ky i fundit njoftoi më herët se nuk do të ishte i pranishëm në 20 janar në eventin që shënon nisjen e mandatit të demokratit.
“Është një nga vendimet më të mira që ka marrë dhe unë jam dakord”, u shpreh Biden, ndërkohë që për zv/presidentin Pence që certifikoi zgjedhjet në Kongres tha se është i mirëpritur.
I pyetur nga gazetarët se nëse kishte besim se forcat e ligjit do të siguronin si duhet ceremoninë e shumëpritur të 20 janarit, Biden deklaroi se kishte besim të madh te Shërbimet Sekrete dhe komiteti i inaugurimit.
