Amendamenti është propozuar nga Tonino Picula, Andreas Schieder, Tanja Fajon dhe përmbajtja e tij është:
“[PE] shpreh keqardhjen për tentativat e ish-presidentit Hashim Thaçi për të minuar mandatin e EULEX-it.”
Në korrik 2020, Presidenti i Kosovës Hashim Thaçi dhe përfaqësuesi i Bashkimit Evropian Josep Borrell vendosën zgjatjen teknike njëvjeçare të mandatit të misionit të EULEX-it.
Mandati i Eulex-it përfundoi në 14 qershor 2020 dhe Thaçi nuk e miratoi në kohë shtyrjen e mandatit. Zyra e presidentit tha se nuk ka arsye që Eulex të qëndrojë me të njëjtin mandat dhe fushë veprimi në Kosovë, pasi institutcionet e vendit janë në gjendje të kryejnë të gjitha detyrat e tij.
Thaçi u përball me kritika të forta nga BE për mosmiratimin e zgjatjes së mandatit, derisa një muaj më vonë ra dakord me kryediplomatin evropian Borrell për ta zgjatur mandatin e Eulex-it për një vit.
Ndër të tjera, Eulex ndihmon gjykatën speciale në Hagë që gjykon akuzat për krime të luftëtarëve të UCCK-së gjatë luftës së Kosovës.
