Një debat i nxehtë, gjatë “Sky Club”, mbi forcën e vërtetë të Interit në këtë kampionat. Pyetja ishte: A janë të detyruar zikaltrit të fitojnë titullin? Beppe Bergomi dhe Alessandro Del Piero mendojnë diametralisht kundër.
“Ne nuk e shohim Juven përpara dhe ia japim këtë përgjegjësi shumë të fortë Interit, i cili duhet të fitojë me çdo kusht. Kjo nuk është e saktë, ne po i bëjmë shumë presion. Unë nuk jam duke thënë se skuadra e Interit nuk është e fortë, por nuk ka asnjë ndryshim me Juve, Napoli dhe Milan. Gjithmonë thuhet që, nëse nuk fiton kampionatin, Interi ka dështuar. Por, ka edhe të tjerë, ekipe po aq të forta dhe që mund të fitojnë. Shoh që ka një diskurs ndryshe për të tjerët. Nëse Napoli, Milani dhe Roma nuk fitojnë, asgjë nuk ndodh. Nëse Interi nuk fiton…”, – bëri presion Bergomi.
Alex Del Piero, në lidhje direkte nga Los Angeles u përgjigj: “Ekziston presioni mbi Interin, por kush nuk ka atje? Juve ka presion, tani edhe Milani ka presion. Presioni është mbi ata që nuk fitojnë dhe duhet të jetë kështu. Interi ka një ekip për të fituar. Milani nuk është ndërtuar për titull, Interi është ndërtuar për të fituar kampionatin”. Përgjigja e Del Pieros u aprovua edhe nga të tjerët në studio, që shtoi më tej se te Juvja presioni është gjithnjë dhe se ai e ka jetuar atë.
Në këtë pikë, Bergomi bëri presion përsëri: “A ka Interi një ekip për të fituar? Më shumë se Juve? Unë nuk mendoj kështu. Dhe, a jeni i sigurt që Interi ka vite që ndodhet në prag të fitores së titullit? Mos harroni se zuri dy vende të katërta me Spalletti. Kjo nuk është skuadër fituese”.
Pastaj, toni u bë më i gjallë, pasi Del Piero tha: “Të mos flasim për Beneventon, se iu vëmë presion dhe atyre”. Në këtë moment e tërë studio nis të qeshë. “Sa më shumë të më sulmoni, aq më shumë dëshmoj se kam të drejtë”, – buzëqeshi Bergomi. “Jo Beppe, nuk ke aspak të drejtë”, – u përgjigj Del Piero.
