Këshilli i Lartë i Prokurorisë pranoi propozimin e Inspektorit të Lartë të Drejtësisë për masën disiplinore “shkarkim nga detyra” ndaj magjistratit Sali Hasa.
Po ashtu Hasës i është pezulluar edhe përfitimi i pagës 50%, deri në marrjen e vendimit të formës së prerë nga gjykata. Ky i fundit përfitonte deri më tani 80% të pagës.
Kujtojmë se më 31 maj 2021 Gjykata e Posaçme, e dënoi atë me 2 vite burg që u konvertua në 4 vite shërbim prove për akuzën e “korrupsionit” ndërsa u shpall i pafajëshëm për “fshehje e mosdeklarim të pasurisë”.
Sipas dosjes, prokurori Hasa dyshohet se ka pushuar çështjen e shtetasit Emiljano Mirani të akuzuar për “plagosje të lehtë” përmes ndërmjetësimit të motrës së këtij të fundit Elsona Papa, punonjëse e Policisë Bashkiake Sarandë.
