Kryetarja e LSI-së, Monika Kryemadhi, deklaroi në një intervistë për Radar Informativ në Abc News se nuk ka më front opozitar dhe se incineratorët kanë sponsorizuar opozitën drejt bojkotit të zgjedhjeve.
Sipas Kryemadhit, fronti opozitar nuk ekziston më pasi më shumë po dëgjohen akuza për njëri-tjetrin se kundër kryeministrit Edi Rama.
“Nuk ka patur kërkesë nga LSI për deputetë, kjo ka qenë një alibi përsa i përket humbjes. Së dyti dua të them se LSI ka qenë një strukturë politike që të tërë e sulmonin në 2017. Nuk ka më front opozitar sepse më shumë dëgjojmë akuza për njëri-tjetrin sesa akuza ndaj Edi Ramës. Ne do të vazhdojmë me denoncimet. Unë po pres drejtësinë për një çështje. Kemi vendosur që të komunikojmë vetëm zyrtarisht me institucionet e drejtësisë”, deklaroi Kryemadhi.
Kryemadhi bëri një deklaratë të fortë se incineratorët mund të jenë shkaku që nxitën opozitën drejt bojkotit të zgjedhjeve.
“Edhe Teatri Kombëtar e mbani mend ishte një nga kauzat më të rëndësishme edhe pse e gjithë opozita ishte e përfshirë. Ishte kauza kombëtare, dhe më pas edhe inceneratorët ashtu është. A janë inceneratorët sponsorizuesit kryesor të bojkotit të zgjedhjeve lokale? Po ia bëj pyetjen edhe SPAK edhe klasës politike. Rezulton që inceneratorët kanë qenë sponsorizues për ta nxitur opozitën drejt bojkotit të zgjedhjeve lokale”, akuzoi kryetarja e LSI.
