Papa Françesku kritikon të gjithë ata persona të cilët vendosën t’i shmangen izolimit të autoriteteve dhe udhëtuan gjatë pushimeve të fundvitit apo zhvilluan edhe festa.
“Ata nuk menduan për ata të cilët janë duke qëndruar në shtëpi, për ata të cilët po përballen me probleme ekonomike, nuk mendojnë për njerëzit e sëmurë. Ata menduan vetëm të argëtohen. Kjo gjë më trishton pa masë. Ne ende nuk e dimë se çfarë na rezervon viti 2021, por të gjithë duhet të përpiqemi nga pak. Disa tundohen duke u kujdesur vetëm për interesat e tyre”, u shpreh Papa Françesku në një video mesazh dhënë nga Pallati Apolistik në Vatikan.
Bekimi tradicional Angelus normalisht jepet nga një dritare me pamje nga Sheshi i Shën Pjetrit, por ajo u zhvendos në ambiente të mbyllura për të parandaluar çdo grumbullim dhe për të kufizuar përhapjen e COVID-19.
