Pas disa ditësh në të cilat IFFHS (Federata Ndërkombëtare e Historisë dhe Statistikave të Futbollit) ka hedhur dritë mbi lojtarët më të mirë të dekadës së fundit sipas konfederatave, si dhe ekipin më të mirë, është koha për trofeun maksimal, atë të futbollistit më të shquar midis viteve 2011 dhe 2020. Lufta u supozua të jetë emocionuese, siç ka qenë, midis Leo Messi dhe Cristiano Ronaldo, përkatësisht më i miri në CONMEBOL dhe UEFA. Në fund ishte ylli argjentinas, ai që triumfoi. Messi është më i miri i dekadës së kaluar, përpara Cristiano dhe Andrés Iniesta, të cilët kompletojnë podiumin.
“Dueli botëror midis Lionel Messi dhe Cristiano Ronaldo, dy lojtarët më të mirë të dekadës, ishte interesant dhe i pasigurt deri në fund të votimit. Messi dhe Ronaldo patjetër do të hyjnë në historinë e futbollit”, – lexohet në komunikimin zyrtar të IFFHS, përmes faqes në internet.
Ata që votuan ishin anëtarë të IFFHS, të shpërndarë në më shumë se 150 vende. Neymar dhe Sergio Ramos plotësojnë pesë vendet e para, në të cilat shkëlqen Real Madridi dhe Barcelona.
Askush nuk është i befasuar që “lufta” shkoi në dy emra, pasi të gjithë “Topat e Artë”, të shpërndarë në dekadën e kaluar, janë pronë e Messi dhe Cristiano, përveç edicionit të vitit 2018, në të cilin Luka Modric i dha fund tiranisë së duetit. Rivaliteti i tyre vështirë se mund të përsëritet.
Mesfushori kroat, Luka Modric, ka arritur “in extremis” të jetë pjesë e “top-10”. Manuel Neuer, Robert Lewandowski, Gianluigi Buffon dhe Zlatan Ibrahimovic, përkatësisht nga i gjashti në të nëntin, janë pjesa tjetër e yjeve të kurorëzuar nga IFFHS. Lidhur me vendet, Spanja është kombësia e vetme me më shumë se një lojtar në listë (Iniesta dhe Ramos), një fakt që flet për shëndetin e mirë të futbollit iberik.
