Gjatë 24 orëve të fundit janë kryer 852 testime për të dyshuar të prekur nga COVID-19 dhe janë identifikuar 151 qytetarë të prekur nga virusi SARS-COV2. Ndërsa një person ka humbur jetën; një 61-vjeçare nga Korça. Kjo shënon edhe ditën e parë prej disa kohësh tashmë, kur numri i pacientëve që nuk e kanë mposhtur dot sëmundjen është kaq i ulët. Ndërkohë të shëruar rezultojnë 45 qytetarë.
Mjekja Rovena Daja, nga ISHP, deklaroi se në Spitalin Infektiv dhe “Shefqet Ndroqi” po trajtohen 192 pacientë, 19 në terapi intensive nga të cilët 5 pacientë janë të intubuar.
Shpërndarja gjeografike e rasteve pozitive ditore është si vijon:
39 raste në Tiranë, 27 raste në Durrës, 16 raste në Korçë,
14 raste në Shkodër, 10 raste në Lushnje,
8 raste në Gramsh, 6 raste në Elbasan,
nga 5 raste në Krujë, Mirëditë,
4 raste në Fier, 3 raste në Gjirokastër,
2 raste në Devoll, Divjakë, Kolonjë, Vorë,
1 rast në Kurbin, Kavajë, Berat, Mallakastër, Sarandë, Patos.

“Duke ju risjellë në vëmendje të mos neglizhoni shenjat e COVID-19, ju lutemi në çdo rast kur keni shenja të sëmundjes telefononi në numrin unik të Urgjencës Kombëtare 127. Ndërsa nëpërmjet linjës së gjelbër 0800 40 40 mund të lidheni me mjekun tuaj të familjes, të merrni këshillim psikologjik si dhe informoheni saktë për pyetjet që keni për COVID-19”, tha Daja.
Gjithashtu Ministria e Shëndetësisë dhe Mbrojtjes Sociale u bën apel qytetarëve të respektojnë masat për parandalimin e ketij infeksioni të rrezikshëm: Ruajtjen e distancimit social; Mbajtja e detyruar e maskës në ambiente të mbyllura dhe aty ku nuk ruhet dot distanca; Higjienën e duarve dhe atë respiratore; Dezifektimin e objekteve që prekim, ajrimin e ambienteve, shmangnien e grumbullimeve etj.

COVID-19 – Statistika (9 shtator 2020)
Testime totale 70410
Raste pozitive 10704
Raste të shëruara 6284
Raste Aktive 4098
Humbje jete 322 (Qarku Tiranë 154, Durrës 44, Shkodër 36, Elbasan 20, Fier 16, Korçë 13, Lezhë 12, Kukës 8, Dibër 7, Vlorë 6, Gjirokastër 4, Berat 2)

Shpërndarja gjeografike e rasteve aktive sipas qarqeve:
Tiranë 2148
Durrës 483
Shkodër 334
Lezhë 232
Elbasan 184
Korçë 158
Fier 146
Vlorë 138
Kukës 130
Berat 77
Gjirokastër 37
Dibër 31