Kompania hapësinore amerikane SpaceX lançoi në orët e para të mëngjesit, nga Qendra Hapësinore “Cape Canaveral” në Florida, satelitin e ri turk të telekomunikacionit Turksat 5B.
I prodhuar nga Airbus dhe i transferuar nga Franca në Shtetet e Bashkuara, Turksat 5B është sateliti më i fuqishëm turk dhe do të rrisë kapacitetin e Ka-Band me më shumë se 15 herë.
Turksat 5B është prodhuar me kontributin e industrisë vendase, jetëgjatësia e tij pritet të jetë më shumë se 35 vjet.
Përveç Turqisë, Turksat 5B do të mbulojë gjithë Lindjen e Mesme, Gjirin Persik, Detin e Kuq, Mesdheun, Afrikën Veriore dhe Lindore, Nigerinë, Afrikën e Jugut dhe vendet fqinje.
