Ndërron jetë në moshën 65-vjeçare në burgun e Milton në Florida, qytetin e tij të lindjes, Eddie ‘Fast’ Johnson, basketbollisti i Atlanta Hawks, 2 herë pjesëmarrës në NBA All Star Game në fillim të viteve 80. Johnson po kryente një dënim me burg përjetë për abuzim seksual me minoren. Sipas autoriteteve të burgut, shkaku i vdekjes, një sëmundje jo e specifikuar.
I dilomuar në 1977 nga Universiteti i Auburn, ku në vitin e tretë regjistroi një mesatare me 21.8 pikësh për ndeshje, u zgjodh nga Atlanta Hawks i shoqëruar që nga ajo kohë nga një jetë e çrregullt. Pas një sezoni të parë me 10.5 pikë për ndeshje kur Atlanta u kthye të luajë në playoff pas 4 vitesh, bëhet titullar në sezonin pasardhës dhe do të mbetet për 4 kampionate duke shënuar mesatarisht 16 pikë për ndeshje. Në 1980 dhe 1981, tifozët e votuan për në pesëshen titullare të Konferencës së Lindjes në All Star Game dhe ai ua shpërbleu duke shënuar respektivisht me 22 dhe 16 pikë.
Basketbollist i shpejtë, Eddie Johnson mori pseudonimin ‘Fast’ dhe në 2 raste u nominua në pesëshen e dytë defensive të Ligës. Por për fat të keq, kokaina që e shoqëronte gjithnjë që nga koha e kolegjit, shumë shpejt e çoi drejt rrënimit. Në 1986 shkoi te Cleveland dhe në 1987 në Seattle, por ishte hija e vetvetes. Në 1987, NBA e përjashton për përdorim droge. Pas karrierës sportive, Johnson bëri një tjetër jetë duke hyrë e dalë nga burgu shpesh herë, deri në vitin 2008 kur u akuzua për abuzim me një 12 vjeçe dhe për një krim tjetër të ngjashëm që kishte kryer në 2006 për t’u dënuar me burg përjetë.
